Sәma xanımı

Film onun həyatının 1930–1933-cü illər arasındakı mühüm dövrünü əhatə edir. Həmin illərdə qadının təyyarə idarə etməsi cəmiyyət üçün ağlasığmaz idi və patriarxal ənənələr Leylanın qarşısında ciddi maneələr yaradırdı. O, çadra taxmaqdan imtina edərək öz seçiminin arxasında dayanır. Leyla qonşuların qınağı, yaxınlarının anlaşılmazlığı və qadının əsas vəzifəsinin ailə və ev qayğısı hesab edildiyi mühitin gündəlik təzyiqi ilə üzləşir. Buna baxmayaraq, o, arzusundan vaz keçmir və göylərə yüksəlmək üçün mübarizəsini davam etdirir.