Arktika itləri

Baş qəhrəman Svifti adlı cəsur arktik tülküdür. O, Arktika poçt xidmətində çalışır və huski itlərindən ibarət nüfuzlu kuryer komandasına qoşulmağı arzulayır. Özünü sübut etmək istəyən Sviфти riskli addım ataraq xizəyi oğurlayır və sirli bir bağlamanı çatdırmağa yollanır. Lakin bu macəra onu təsadüfən Otto fon Morjus adlı yaramazın gizli qalasına aparır. Burada Svifti dəhşətli bir planın üstünü açır: Otto qütb buzlaqlarını əridərək bütün planeti su altında qoymaq və bundan sonra özünü ən güclü növün nümayəndəsi hesab edərək dünyaya hökmranlıq etmək istəyir. Bəşəriyyəti və Arktikanı xilas etmək üçün Svifti dostlarından ibarət komanda toplayır. Onun köməyinə qayğıkeş ağ ayı, fikri tez-tez dağılan albatros, sui-qəsd nəzəriyyələrinə aludə olmuş iki su samuru və bacarıqlı mexanik tülkü gəlir. Özlərini “Arktika mühafizəçiləri” adlandıran dostlar Otto fon Morjusun məkrli planını pozmaq üçün təhlükəli macəraya başlayırlar. Qlobal istiləşmə probleminə yumorla toxunan bu cizgi filmi dostluğun, özünəinamın və birlikdə hər cür çətinliyin öhdəsindən gəlməyin vacibliyini vurğulayır. Hətta kiçik bir qəhrəmanın belə böyük dəyişikliklərə səbəb ola biləcəyini göstərir.