Dünyanın sonuncu günü

Karib dənizində yaxtada ailəsi ilə birlikdə istirahət edən həkim Culiya və həyat yoldaşı Tom güclü fırtınaya düşürlər. Fırtına səngidikdən sonra onları dəhşətli mənzərə gözləyir: Yer kürəsinin maqnit qütbləri dəyişib, okeanların suyu çəkilib və dəniz dibi ucsuz-bucaqsız səhraya çevrilib. Baş verən fəlakət ailəni naməlum və təhlükəli bir dünyada tək qoyur. Həyat yoldaşını itirən Culiya övladlarını xilas etmək üçün bütün gücünü toplamalıdır. Lakin qurumuş okean dibində onları yalnız susuzluq və sağ qalmaq uğrunda mübarizə deyil, dərinliklərdən üzə çıxan qorxunc canlılar da gözləyir. Su geri qayıtmamış ailə bu amansız dünyadan xilas olmaq üçün təhlükəli səyahətə çıxmalı və hər an həyatlarını təhdid edən maneələri dəf etməlidir.